Plantun de Prouvènço

Pèr coumpara dos planto d'encò nostre

Ophrys vetula & Zygodon rupestris

Ophrys vetula

Orchidaceae

Noms en français : Ophrys décrépit, Ophrys de la Durance.

Descripcioun :
L'aragno-de-Durènço fai partido dóu group de l'Ophrys vetula (Flora Gallica, 2014). Sèmblo uno mescladisso pèr l'ouro pas trop claro. Trachis dins la garrigo e li tepiero seco sus cauquié. Se destrio de la fausso-aragno qu'a uno labreto aloungado en reitangle e plegado sus li coustat. Aquésti coustat soun proun pelous. Lou champ basau èi tambèn mai grand.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : 6 à 8 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Endemico Durènço e proche
Abriéu à jun

Liò : Garrigo - Tepiero seco
Estànci : Mesoumediterran à Mountagnard
Couroulougi : Pancaro entresigna
Ref. sc. : Ophrys vetula Risso, 1844

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.